Vinteren er vakker!

Etter det voldsomme snøfallet i går kan vi no nyte blå himmel og kvitkledde fjell bada i sol Vakkert...

Var det nokon som såg på den store månen i går kveld? Eit glitrande kveldsbilete.

Nivane i sol og snø

Frostrøyk på Ørstafjorden den 8. januar

Vakkert, men no er det nok.

Godt at det slutta å snøe. I går var det mest umogeleg å ta seg fram med bilen. Det førte til at vi kjøpte snøfresar!!

I dag vakna vi til vakker blå himmel og soleglad bak fjellet. Då er jammen snøen fin der han breier seg utover veranda og hustak.

No ynskjer eg meg mange slike dagar med 10 kuldegrader slik at vi får ha denne snøen som er komen.  

Men ikkje meir!!

Vakkert

GODT NYTTÅR!

2010
Så er det over.... den kom og den gjekk i år også - jula. Alle førebuingane: innkjøp, pynting, nye innkjøp, parkering, kassakø, kva har vi gløymt? Tanken på at vi ikkje fekk handla inn nok heldt på å ta overhand. Vi har fylt berepose etter berepose. Utruleg at vi treng så mykje meir mat i jula enn elles i året??

Magen seier frå før kvart måltid at der er ikkje plass til meir. Men all den gode maten som vi har laga må no etast vel? Kompostkvern i eigen mage?? 
Så kjem kvelden. Eg ligg i senga med ein mage som jobbar på høgste gir. Ikkje mogeleg å sove. Javel, berre å stå opp. Finne fram boka. Lese ein times tid.
I morgon skal eg ete berre litt, vente til eg vert svolten, og så slutte i tide.

Men korleis vart det? Etter å ha konsumert restane etter hjortegryta og den heimelaga isen med bringebær og eggelikør så vart nok godstolen FOR freistande. Ein liten middagskvild berre, sidan det vart så lite søvn sist natt.....
Ja, vi er i gang. Den vonde sirkelen. Døgnet er snudd. Dårleg samvit, kaloriar i tonnevis.
Godt at alt er over no. Gled meg til jobb på måndag. Håper der er plass på helsestudio også...
GODT NYTTÅR!!!